Лондоннинг “Челси” клуби ёзги трансфер бозори чоғида Марко Марин, Эден Азар, Оскар каби футболчиларга 60 миллион атрофида пул сарфлаганига қарамай, ҳали яна футболчилар сотиб олишда давом этади. Бу ҳақида клуб ижрочи директори Рон Гурли хабар берди.
"Биз таркибимизни анча кучли ва юқори савияли футболчилар билан тўлдирдик. Ўйлайманки, булар яхши ҳарид бўлди. Аммо, "Челси" бу билан чекланиб қолмоқчи эмас. Биз яна бир иккита чизиқларга юқори савияли футболчиларни жалб этишга ҳаракат қиламиз", дейди клуб ижрочи директори, Goal.com нашрига берган интервьюсида.
Айни пайтда, амалдаги Европа Чемпионлар Лигаси ғолиблари Эдинсон Кавани ва Радамел Фалкао каби футболчиларга қизиқиш билдираётгани ҳақида ҳам хабарлар бор.