Аргентинага қарши жаҳон чемпионати гуруҳ босқичи 3-тур учрашуви арафасида Польша терма жамоаси бош мураббийи Чеслав Михневич рақиб жамоа етакчиси Лионель Месси ҳақида ўз фикрлари билан ўртоқлашди.
Мутахассис Мессини қандай тўхтатиш кераклиги ҳақидаги саволга аниқ жавоби йўқлигини тан олди.
“Мен бир вақтлар 18 ёшли Мессини қандай тўхтатиш ҳақида ўйлаган эдим. Бу вақт ичида у 800 дан ортиқ гол урди ва 300 дан ортиқ голли узатмани амалга оширди. Демак, ҳеч ким бу саволга аниқ жавобни билмайди", - дея Михневичнинг сўзларини келтиради Матч ТВ.
Шунингдек, мураббийнинг сўзларига кўра, Аргентина терма жамоасидагиларнинг барчаси Месси учун жорий Жаҳон чемпионатининг аҳамиятини билишади, шунинг учун улар ушбу турнирда имкон қадар узоққа бориш учун ҳамма нарсани қиладилар.
Эслатиб ўтамиз, Польша - Аргентина учрашуви эртага, 30 ноябрь куни бўлиб ўтади. Учрашув соат 00:00да бошланади. Айни дамда европаликлар C гуруҳидаги турнир жадвалида жанубий америкаликлардан бир очкога олдинда.
