Sky Sports хабарига кўра, Эквадор терма жамоаси ва "Брайтон" ярим ҳимоячиси Мойсес Кайседога "Манчестер Юнайтед" қизиқиш билдирмоқда.
"Қизил иблислар" қишки трансфер ойнасида 21 ёшли ярим ҳимоячини сотиб олмоқчи. Клуб вакиллари ЖЧ-2022да Кайседони кузатиб боришмоқда ва футболчининг ҳаракатларидан жуда мамнун.
Кайседонинг "Брайтон" билан шартномаси 2025 йилнинг ёзига қадар амал қилади. Transfermarkt портали эквадорлик футболчининг нархини 38 миллион еврога баҳоламоқда.
Кайседо жорий мавсумда “Брайтон” сафида 15 та ўйинда майдонга тушиб, 1 та гол урган.