«Наполи» бош мураббийи Лучано Спалетти сешанба куни эрталаб Ковернасиодаги конференциялар залида италиялик мураббийларга икки соатлик маъруза ўқиди.
Спалетти мураббийликнинг турли жиҳатлари ҳақида гапирди - тактика танлашдан тортиб, жамоани бошқариш усулларигача.
Маърузани тинглаган талабалар орасида Альберто Аквилани ва Даниэле де Росси бор эди. Де Росси октябрь ойида Б серияда ўйнайдиган СПАЛ жамоаси бош мураббийи бўлганди.
Айни дамда «Наполи» Италия чемпионати турнир жадвалида биринчи ўринни эгаллаб турибди. Лучано Спалетти жамоаси энг яқин таъқибчиси – «Милан»дан саккиз очко билан олдинда.
