ПСВ ҳужумчиси Коди Гакпо Англия Премьер-лигасига ўтиши мумкин. Бу ҳақдаVoetbal International хабар бермоқда. "Ливерпуль" ҳужумчининг трансферига қизиқиш билдирмоқда. Мерсисайдликлар раҳбарияти январ ойидаги трансфер ойнасида келишувни якунлашни режалаштирмоқда.
Олдинроқ, 23 ёшли футболчига АПЛнинг бошқа бир гиганти "Манчестер Юнайтед"дан ҳам қизиқиш борлиги ҳақида хабарлар тарқалган эди. “Қизил иблислар” Гакпони клубни тарк этган Криштиану Роналдуга ўринбосар сифатида кўрмоқда.
Нидерландия чемпионатининг жорий мавсумида Коди 14 та ўйин ўтказиб, 12 та гол ва 9 та голли узатмани амалга оширган. 2022 йилги жаҳон чемпионатида у гуруҳ босқичида "апельсинлар" учун 3 та гол урди.
