ЖЧ-2022 гуруҳ босқичи доирасида Эронга қарши ўйинда жароҳат олган америкалик вингер Кристиан Пулишич тиббий кўрикдан ўтди.
Америка терма жамоаси матбуот хизмати хабарига кўра, футболчининг тос суяги жароҳати ташхиси қўйилган. Бу зарар жамоа етакчисининг кейинги ўйинда иштирок этишига тўсқинлик қилмаслиги керак.
АҚШ Эронни 1:0 ҳисобида мағлуб этди. Урилган ягона гол муаллифи Пулишич бўлди. Америкаликлар ўз гуруҳида иккинчи ўринни эгаллаб, жаҳон чемпионатининг плей-офф босқичига йўл олишди. Турнирнинг 1/8 финали доирасидаги ўйинда АҚШ терма жамоаси Нидерландияга қарши майдонга тушади.
