Хитой телеканаллари 2022 йилги жаҳон чемпионати ўйинларида эфирда мухлислар кўрсатилган лавҳаларни тезлик билан ўзгартироқда, дея хабар бермоқда журналист Марк Драэр ижтимоий тармоқдаги саҳифасида.

Бунга хитойлик мухлисларнинг 2022 йилги жаҳон чемпионатида ниқобсиз кўп одамлар тўпланишига салбий муносабат билдирганлиги сабаб бўлди. Трибуналар тасвирланган лавҳалар тезда футболчилар ва терма жамоалар мураббийларининг яқин пландаги суратларига алмаштирилади.

Эслатиб ўтамиз, ўтган ҳафтада Хитойда коронавирус пандемияси сабабли мамлакатда жорий этилган карантинларнинг давом этишига қарши оммавий норозилик намойишлари бошланган эди. Намойишлар Хитойнинг Пекин, Шанхай, Нанкин, Ухан ва бошқа йирик шаҳарларини қамраб олди.