Xitoy telekanallari 2022 yilgi jahon chempionati o‘yinlarida efirda muxlislar ko‘rsatilgan lavhalarni tezlik bilan o‘zgartiroqda, deya xabar bermoqda jurnalist Mark Draer ijtimoiy tarmoqdagi sahifasida.
Bunga xitoylik muxlislarning 2022 yilgi jahon chempionatida niqobsiz ko‘p odamlar to‘planishiga salbiy munosabat bildirganligi sabab bo‘ldi. Tribunalar tasvirlangan lavhalar tezda futbolchilar va terma jamoalar murabbiylarining yaqin plandagi suratlariga almashtiriladi.
Eslatib o‘tamiz, o‘tgan haftada Xitoyda koronavirus pandemiyasi sababli mamlakatda joriy etilgan karantinlarning davom etishiga qarshi ommaviy norozilik namoyishlari boshlangan edi. Namoyishlar Xitoyning Pekin, Shanxay, Nankin, Uxan va boshqa yirik shaharlarini qamrab oldi.
