Кеча бокс бўйича эркаклар ўртасида 52 кг. ҳамда 81 кг. вазн тоифасида дастлабки жанглар ўтказилди. Мазкур вазн тоифаларида Ўзбекистон шарафини ҳимоя қилаётган Жасурбек Латипов (52 кг) ва Элшод Расулов (81 кг) биринчи босқичдан озод этилганлиги ҳақида хабар берган эдик.
Кеча ўтказилган жангларнинг якунларига кўра ҳар икки спортчимизнинг 1/16 финал босқичидаги рақиблари номи маълум бўлди. Унга кўра Жасурбек Латипов Ҳешам Абдуллоҳ (Миср) билан 3 август куни куч синашса, Ўзбекистон байроқдори Элшод Расулов 4 август куни тунислик Яҳё Элмекачарига қарши рингга кўтариладиган бўлди.
Шавкат Жалилов
Маданият ва спорт ишлари вазирлиги матбуот хизмати
