Бразилия терма жамоси ҳужумчиси Неймар ёзги Олимпиада ўйинлари якунига етиши билан "Барселона" клубига кўчиб ўтишга тайёр эканлигини таъкидлаб ўтди.
Аввалроқ тарқатилган бир қатор хабарларда футболчининг ўзи айнан каталонияликлар сафида ўйнашни истаётганлигини бир неча бор таъкидлаган. Мадриднинг "Реал" клуби Неймарга "Барселона" таклиф қилаётгандан анча кўпроқ пул таклиф этаётган бўлсада, "Сантос" президенти уни асло "Реал" клубига сотишни истамаяпти.
"Сантос" президенти Луис Алльвро Рибейронинг фикрича, "Реал" бош мураббийи Жозе Моуриньо ўзининг тактик схемаларида Неймарнинг иқтидорини қурбон қилар экан. Шунинг учун ҳам футболчини сотадиган бўлса, фақат "Барселона"га сотишини таъкидлаб келган.
"Айни пайтда барчаси айнан каталонияликларнинг қўлида. Улар футболчининг трансферини тезлаштириш учун ҳаракат қилсалар, ушбу трансфер шу мавсумдаёқ амалга ошиши мумкин.
Эслатиб ўтамиз, "Барса" вице президенти Хосе Мария Бартомеу айни пайтда клубдаги барча инсонлар Неймарни тезроқ жамоада кўришни истаётганлигини айтган эди.
