Нидерландия терма жамоаси устози Луи ван Гал Бельгия терма жамоаси бош мураббий этиб тайинланиши мумкинлиги ҳақида фикр билдирди.
Эслатиб ўтамиз, "қизил иблислар" Роберто Мартинес кетганидан сўнг мураббийсиз қолганди.
"Бельгия терма жамоасига тайинланиш мумкинми? Хўш, хотинимни кўндириш керак. Ҳазиллашяпман, мен бундай қарорларни ўзим қабул қилишга ўрганиб қолганман”, деди Ван Гал матбуот анжуманида.
Бельгия терма жамоаси Хорватия, Марокаш ва Канада билан бир гуруҳдан жой олиб, якунда гуруҳ босқичидан чиқа олмагани учун жаҳон чемпионатини тарк этди.
Ван Галнинг Нидерландия билан шартномаси шу йилнинг 31 декабрида тугайди.
