Аргентина терма жамоаси бош мураббийи Лионель Скалони Австралия терма жамоаси билан ЖЧ-2022 1/8 финалида бўлиб ўтадиган учрашув ҳақидаги фикрлари билан ўртоқлашди. Учрашув 3 декабрь, шанба куни бўлиб ўтади.
"Австралия яхши жамоа. Бу футбол, биз назарий фаворитизмни четга суриб, ўйнашимиз керак. Ёндашув аввалги ўйинларга ўхшаш бўлади. Биз мослашишимиз керак, ҳимояда биз баъзан ўзгарамиз. Австралиянинг ҳужумда ўзига хос хусусиятлари бор. Биз қандай ўйнашимиз ҳақида тасаввурга эгамиз, аммо бугунги машғулотларда футболчиларнинг ҳолатига ҳам баҳо берамиз. Австралия кейинги босқичга чиққанидан ҳайрон эмасман, улар жуда яхши кўринишди. Бу жаҳон чемпионатлари тарихига эга жамоа", - деди Скалони Аргентина терма жамоаси матбуот хизматига.
