Англиянинг "Ливерпуль" клуби жамоа ҳужумчиси Энди Керролни премьер-лигага қайтган "Вест Хэм" клубига ижарага беришга рози бўлган. ВВСнинг хабар беришича, икки клуб футболчининг шартнома шартларини келишиб бўлишган.
Унга кўра, ўтган мавсумда катта умидлар билан мерсисайдликлар томонидан 35 миллион фунт стерлинг эвазига сотиб олинган ҳужумчи, келаси мавсумни "Вест Хэм"да ижарада бошлайди.
Керролнинг бир мавсумлик ижараси учун, "Вест Хэм" 2 миллионт фунт тўлайди. Шунингдек келишувга биноан, мавсум якунлангач "Вест Хэм" ҳужумчининг тўлиқ трансфер ҳуқуқини сотиб олиши мумкин. У ҳолда, ҳужумчи учун 18 миллион фунт тўланиши керак бўлади.
