Аргентина терма жамоасининг собиқ ҳужумчиси Габриэль Батистута 35 ёшли ҳужумчи Лионель Мессининг ЖЧ-2022даги ўйини ҳақида гапирди.
"Месси яхши ўйнайди, лекин у бундан ҳам яхшироқ ўйнай олади. У жамоага кўпроқ нарсани бера олади. Аммо ҳозирги Аргентина терма жамоасининг асосий устунлиги шундаки, улар ҳатто Леога ортиқча таянмасдан ҳам яхши ўйнай олади. Унга дам олиш учун вақт берилиши мумкин", - деди Батистута Todomercadoweb билан суҳбатда.
Аргентина ўз гуруҳида биринчи ўринни эгаллади ва Жаҳон чемпионатининг 1/8 финалига чиқди ҳамда бу босқичда Австралия терма жамоаси билан учрашади.
