Уругвай терма жамоаси бош мураббийи Диего Алонсони шартномаси якунланди. Эслатиб ўтамиз, уругвайликлар Н гуруҳида учинчи ўринни эгаллаб, жаҳон чемпионатини тарк этишди. Гана терма жамоаси устидан қозонилган ғалаба (2:0) кейинги босқичга ўтиш учун етарли бўлмади.
Диего Алонсо Уругвай терма жамоасини 2021 йилнинг декабрида қабул қилиб олганди. У 2006 йилдан бери жамоани бошқарган афсонавий Оскар Табаресни ўрнини эгаллаганди. Мутахассис ва терма жамоа ўртасидаги келишув Қатарда бўлиб ўтадиган жаҳон чемпионати якунига қадар мўлжалланган.
Охирги учта жаҳон чемпионатининг ҳар бирида Уругвай терма жамоаси албатта гуруҳдан чиқди. 2010 йилда терма жамоа турнирда тўртинчи ўринни эгаллади.
