Бразилия терма жамоаси ҳимоячиси Алекс Теллес ЖЧ-2022 гуруҳ босқичининг Камерун билан ўйинида жароҳат олди.
Иккинчи бўлим бошида у тўп учун курашда рақиби билан тўқнашиб кетди ва омадсиз равишда майдонга йиқилди. Теллес кейинчалик баҳсни давом эттира олмади.
Эслатиб ўтамиз, Бразилия терма жамоасида аввалроқ яна икки ҳимоячи - Алекс Сандро ва Данило жароҳат олганди.
Шунингдек, Бразилия терма жамоаси етакчиси Неймар жароҳати туфайли майдонга туша олмаяпти.
Эслатиб ўтамиз, жамоа муддатидан аввал ЖЧ-2022 плей-офф босқичига чиқишни кафолатлаганди.
