Швейцария терма жамоаси Қатарда бўлиб ўтаётган жаҳон чемпионати гуруҳ босқичи 3-тури доирасидаги ўйинда Сербия терма жамоасини 3:2 ҳисобида мағлуб этди.
Сербия ўзи иштирок этган тўртта жаҳон чемпионатининг барчасида (2006, 2010, 2018 ва 2022) гуруҳдан чиқа олмаган.
Жамоа 2006 йилдан бери илк бор жаҳон чемпионатида битта ҳам ғалаба қозона олмади.
Швейцария 2014 йилдан буён сўнгги бешта йирик турнирда (Жаҳон чемпионати+Евро) плей-оффда иштирок этади. Европадан Францияда ҳам шундай кўрсаткич бор.
Швейцария терма жамоаси гуруҳ босқичининг учта ўйинида 6 очко жамғариб, португалияликлар билан ўйнайдиган 1/8 финал иштирокчисига айланди. Сербия терма жамоаси турнирни 1 очко билан якунлади.
