ЖЧ-2022 гуруҳ босқичининг сўнгги туридан ўрин олган ўйинда Португалия терма жамоаси кутилмаганда Жанубий Корея термасига имкониятни бой бериб қўйди (1:2). Бу натижани Пиреней ороллари жамоаси бош мураббийи Фернанду Сантуш изоҳлади.

"Биз қатъийроқ ҳаракат қилишимиз керак эди. Жамоа қийинчиликларга дуч келди ва учрашув якунида ёмон ўйин кўрсатди. Учрашувнинг боришини рақиб назорат қилди.

Мағлубият нормал ҳолат. Бу турнирнинг исталган босқичида содир бўлиши мумкин. Албатта, биринчи ўринни қўлга киритган бўлсак ҳам, хафамиз. Биз жамоавий руҳни кўтариш учун ғалаба қозонишни хоҳладик", - дея мураббийнинг сўзларини келтиради Sky Sports.

1/8 финалда Португалия Швейцарияга қарши баҳс олиб боради. Учрашув 6 декабрь куни бўлиб ўтади.