Уругвай терма жамоаси ҳимоячиси Хосе Хименес жаҳон чемпионати гуруҳ босқичининг Ганага (2:0) қарши ўйинидан сўнг спортчига хос бўлмаган хатти-ҳаракатларни амалга оширди.
Уругвайликлар ғалаба қозонишга муваффақ бўлишди, лекин гуруҳдан чиқа олишмади.
Финал ҳуштаги янграгандан сўнг, учрашув бош ҳаками Даниэль Зибертнинг олдига боришга уринган Хименес ФИФА директори Колин Смитнинг бошига тирсаги билан зарба берди.
Шундан сўнг футболчи Зиберт ва Смитга нисбатан беҳаё иборалар айтиб, уларни ўғрилар деб аташни бошлади.
Хименес энди катта жарима тўлаши мумкин.
