Англия терма жамоаси ярим ҳимоячиси Деклан Райс ҳужумчи Маркус Рэшфорд жаҳон чемпионатининг "Олтин бутсасини" қўлга киритиши мумкинлигига ишонмоқда.
Футболчининг ҳисобида ҳозирча учта голи бор. Коди Гакпо, Эннер Валенсия ва Килиан Мбаппеларда шунчадан самарали ҳаракатлар мавжуд. Бу футболчилар турнирнинг энг яхши тўпурари номи учун курашда пешқадамлик қилмоқда.
"Мен Рэшфорднинг Жаҳон чемпионатининг "Олтин бутса"сини ололмаслиги учун ҳеч қандай сабаб кўрмаяпман", деди Райс Англия терма жамоаси матбуот анжуманида.
Англия терма жамоаси 1/8 финалда Сенегал билан ўйнайди. Ўйин эртага, 4 декабрь куни бўлиб ўтади.
