Германия терма жамоаси футболчиси Жошуа Киммих яна бир бор жамоасининг жаҳон чемпионатидан тушиб кетгани ҳақида гапирди.

Эслатиб ўтамиз, Ханс-Дитер Флик шогирдлари Япония, Испания ва Коста-Рика терма жамоалари билан гуруҳ босқичида ўйнаб, жаҳон чемпионатининг плей-офф босқичига чиқа олишмади.

"Биз майдонда ўз фазилатларимизни барқарор кўрсата олмадик. Менга ҳамма нарсани таҳлил қилиш, қайта ишлаш ва ундан тўғри сабоқ олиш учун вақт керак бўлади. Тўрт ҳафтадан сўнг яна ҳужумга ўтаман, чунки таслим бўлиш мумкин эмас", — деб ёзди ярим ҳимоячи ижтимоий тармоқдаги саҳифасида.