Туриннинг “Ювентус” клуби ҳалигача Португалия терма жамоаси ҳужумчиси Криштиану Роналдуга 19,9 миллион евро тўлагани йўқ, дея хабар бермоқда La Gazzetta Dello Sport.
Нашрнинг ёзишича, Роналду 2020 йилда пандемия авжига чиққан пайтда клубга ёрдам бериш учун маошини камайтиришга рози бўлган футболчилар орасида бўлган.
Бироқ терговчилар номаълум келишувни аниқладилар, унга кўра клуб ўзининг собиқ ҳужумчиси жамоани тарк этган тақдирда ҳам 19,9 миллион евро ваъда қилган.
Эслатиб ўтамиз, португалиялик ҳужумчи туринликлар билан 2018 йилнинг ёзида шартнома имзолаган, 2021 йилнинг августида клубни тарк этганди.
