"Лейпциг" ва Хорватия терма жамоаси ҳимоячиси Йошко Гвардиол ўтган ёзда "Тоттенхэм"га ўтиш имкониятига эга бўлганди, дея хабар беради таниқли инсайдер Фабрицио Романо.
Манбанинг хабарига кўра, инглиз клуби раҳбарияти 20 ёшли футболчининг трансфер нархини жуда қиммат деб ҳисоблаб, Гвардиол билан шартнома имзолаш ғоясидан воз кечишга қарор қилганди.
Футболчининг немис клуби билан амалдаги шартномаси 2027 йилнинг ёзига қадар тузилган. Transfermarkt портали ёш ҳимоячини 60 миллион еврога баҳоламоқда. Олдинроқ Гвардиолга "Челси" ҳам қизиқиш билдираётгани хабар қилинганди.
Жорий мавсумда хорватиялик футболчи “Лейпциг” сафида 19 та ўйин ўтказиб, 1 та гол урган.
