Пеленинг саратон касаллигини даволаши керакли натижани беришни тўхтатди.
Сешанба куни афсонавий бразилиялик футболчи йўғон ичак саратонини даволашни қайта баҳолаш учун касалхонага ётқизилди. Кейинроқ унга респиратор инфекция ташхиси қўйилган.
Reuters ахборот агентлигининг хабар беришича, кимётерапия керакли натижани беришни тўхтатган, айни дамда бу муолажалар тўхтатилган.
Энди шифокорлар Пелега фақат паллиатив ёрдам кўрсатадилар - улар симптомларни енгишга ёрдам беради, аммо касалликнинг ўзини даволамайди. 82 ёшли собиқ футболчига оғриқ ва нафас қисилиши билан ёрдам берилмоқда.
