Аргентина терма жамоаси ҳужумчиси Лионель Месси навбатдаги рекордни ўрнатди.
Қатарда бўлиб ўтадиган ЖЧнинг 1/8 финали доирасидаги Австралияга қарши бугунги учрашув 35 ёшли футболчи учун мамлакат асосий терма жамоаси таркибидаги 169-учрашуви бўлди.
Шу тариқа, эндиликда айнан Месси терма жамоа учун ўйинлар сони бўйича Жанубий Американинг ягона рекордчиси ҳисобланади. Аввалроқ бу рекорд Эквадор терма жамоаси таркибида 168 та ўйин ўтказган Иван Хуртадога тегишли эди.
Жорий жаҳон чемпионатида Лионель Месси иккита гол урди ва битта голли узатмани амалга оширди. Австралияликлар устидан ғалаба қозонган тақдирда Аргентина терма жамоаси чорак финалда Нидерландияга қарши баҳс олиб боради.
