Австралия терма жамоаси бош мураббийи Грэм Арнольд ЖЧ-2022 1/8 финалида Аргентинага 1:2 ҳисобида имкониятни бой берганидан сўнг мамлакат расмийларига мурожаат қилди.
“Футбол – халқимизни бирлаштирувчи спорт тури. Мухлислар жаҳон чемпионатига чиққанидан жуда хурсанд бўлишди. Аммо ҳар сафар шундай бўлиши керак ва биз давлат бу спорт турини ривожлантиришга сармоя киритиши керак", - дея Арнольднинг сўзларини келтиради L'Equipe.
1/8 финал Австралия терма жамоасининг жаҳон чемпионатларидаги энг яхши натижаси бўлиб қолмоқда. 2006 йилда австралияликлар 1/8 финалга чиқишган, аммо кейин Италияга ютқазишганди.
