Аргентина терма жамоаси сардори Лионель Месси ЖЧ-2022 1/4 финалида Австралия термасига қарши ўйинни (2:1) сарҳисоб қилди.
“Ўйлайманки, биз ўйиннинг боришини тўлиқ назорат қилдик ва ташаббусга эга бўлдик. Ҳа, биз ўйин охирида устунликни рақибга бериб қўйдик, лекин бу жиддий равишда ҳеч нарсани ўзгартирмади.
Айтиш жоизки, ўйин учун жуда кўп куч сарфладик. Мен бу ғалабадан жуда хурсандман - биз кубок сари яна бир кичик қадам ташладик", - дея Мессининг сўзларини келтиради Clarin.
Ушбу ўйинда ҳисобни очган 35 ёшли аргентиналик учрашувнинг энг яхши футболчиси деб топилди.
Унинг учун бу ўйин профессионал фаолиятидаги 1000-ўйин бўлди.
1/4 финалда Аргентина терма жамоаси 9 декабрь куни Нидерландия терма жамоаси билан тўқнаш келади.
