Англия терма жамоаси ярим ҳимоячиси Жордан Хендерсон ЖЧ-2022 чорак финалида Францияга қарши ўйиндан умидлари билан ўртоқлашди.
"Биз жаҳон даражасидаги футболчиларга эга жаҳон даражасидаги жамоага дуч келишимизни биламиз. Бу жуда катта қийинчилик, чунки улар амалдаги чемпионлар. Лекин мен футболчиларимизга ишонаман ва ўзимиз қодир бўлган даражага чиқсак, яхши натижа кўрсата оламиз деб ўйлайман. Ҳамма нарса содир бўлиши мумкин, шунинг учун биз ишонишимиз керак", - дейди Хендерсон BBC нашрига.
Англия ва Франция терма жамоалари ўртасидаги учрашув 10 декабрь, шанба куни бўлиб ўтади.
