Англия терма жамоаси ярим ҳимоячиси Деклан Райс Қатарда бўлиб ўтаётган ЖЧ-2022 1/8 финалида Сенегални 3:0 ҳисобида мағлуб этганидан сўнг, миллий жамоаси имкониятлари ҳақида гапирди.
“Энди бошқа жамоалар биздан қўрқишни бошлашлари мумкин. Бизда ажойиб жамоа бор, лекин бизга қўшимча имконият берилмайди. Биз кўпроқ ҳурматга лойиқмиз. Аргентина ёки Нидерландия ўз учрашувларида осонгина ғалаба қозонганида, бу даражадаги ғалаба деб аталади ва бизни кам баҳолайдилар. Ҳозир жамоа ўтган Европа чемпионатидагидан яхшироқ", - дея ярим ҳимоячининг сўзларини келтиради L'Equipe.
