Angliya terma jamoasi yarim himoyachisi Deklan Rays Qatarda bo‘lib o‘tayotgan JCH-2022 1/8 finalida Senegalni 3:0 hisobida mag‘lub etganidan so‘ng, milliy jamoasi imkoniyatlari haqida gapirdi.
“Endi boshqa jamoalar bizdan qo‘rqishni boshlashlari mumkin. Bizda ajoyib jamoa bor, lekin bizga qo‘shimcha imkoniyat berilmaydi. Biz ko‘proq hurmatga loyiqmiz. Argentina yoki Niderlandiya o‘z uchrashuvlarida osongina g‘alaba qozonganida, bu darajadagi g‘alaba deb ataladi va bizni kam baholaydilar. Hozir jamoa o‘tgan Yevropa chempionatidagidan yaxshiroq", - deya yarim himoyachining so‘zlarini keltiradi L'Equipe.
