"Барселона" яна Бернарду Силвани қўлга киритишга уриниб кўради.
Клуб раҳбарияти Чемпионлар лигаси учун курашиш учун “Барселона” жамоасини янги босқичга олиб чиқа оладиган юлдуз футболчини сотиб олиши керак, деб ҳисобламоқда. Шу сабабли, Жоан Лапорта Лионель Мессининг қайтиши ва Бернарду Силванинг трансфери ўртасида танлов қилди.
Натижада каталонияликлар раҳбарияти Бернарду Силвани трансфер қилиш учун яна уриниб кўришга қарор қилди. "Манчестер Сити" ва Португалия терма жамоаси ярим ҳимоячиси нафақат майдон марказида, балки ҳужумда ҳам ўйнай олади. Қолаверса, Силва Мессидан етти ёш кичик.
Аввал хабар қилинганидек, португалиялик футболчи "Барселона"га ўтишга қизиқмоқда. Силва ёзда шартнома имзолашга яқин эди, аммо охир-оқибат трансфер амалга ошмади.
Португалияликнинг «Манчестер Сити» билан шартномаси 2025 йилнинг ёзига қадар амал қилади.