Бразилиялик ҳужумчи Неймар ЖЧ-2022 1/8 финалида Кореяни мағлуб этганидан кейин (4:1) Пелега мурожаат қилди.

“Ҳозир Пеле ҳақида гапириш қийин, лекин биз унга энг яхши тилакларимизни тилаб, тезроқ тузалиб кетишига умид қиламиз. Умид қиламанки, у бизнинг ғалабамиздан завқ олди", - дея Неймар сўзларини келтиради RMC Sport.

Ўйиндан сўнг Бразилия терма жамоаси футболчилари афсонавий футболчи тасвири туширилган плакат олиб чиқишди. Пеле 30 ноябрь куни касалхонага ётқизилган эди. Бразилияликка тананинг умумий шишиши, жумладан, юрак етишмовчилиги ташхиси қўйилган.

Бразилия терма жамоаси Қатардаги мусобақанинг чорак финалида Хорватия термаси билан баҳс олиб боради. Учрашув 9 декабрь куни бўлиб ўтади.