Бразилия терма жамоаси ҳимоячиси Тьяго Силва жаҳон чемпионатида голли узатмани амалга оширган энг кекса футболчига айланди.
ЖЧ-2022 1/8 финал учрашувининг биринчи бўлимида Силва 38 ёшу 74 кунлигида Жанубий Корея дарвозасига учинчи голни урган Ришарлисонга голли узатмани тақдим этди.
Opta хабарига кўра, бразилиялик ҳимоячи 1990 йилда 38 ёшу 42 кунлигида голли узатмани амалга оширган камерунлик Рожер Милланинг рекордини ортда қолдирди.