"Ливерпуль"нинг собиқ ярим ҳимоячиси Грэм Сунесс клуб Дортмунднинг "Боруссия" клуби ярим ҳимоячиси Жуд Беллингемни сотиб олишига ишонмаяпти. Олдинроқ немис жамоаси раҳбарияти уни 150 миллион еврога баҳолаётгани хабар қилинганди.
“Ўйлайманки, Беллингем ҳақиқий юлдузга айланади. Афсуски, келаси ёзда унинг “Ливерпуль”да бўлишига ишонмайман. Клубда турли хўжайинлар бўлса, бундай келишувни сотиб олиб бўлмайди", - деди Сунесс.
19 ёшли англиялик футболчи жорий мавсумда “асаларилар” сафида барча мусобақаларда 22 та ўйинда майдонга тушиб, 9 та гол урди ва 3 та голли узатмани амалга оширди.
