Испания терма жамоаси дарвозабони Унаи Симон ЖЧ-2022да Марокаш терма жамоасига пенальтилар сериясида мағлуб бўлгани ҳақида гапирди.
"Ўйлашимча, биз рақибдан 120 дақиқа олдинда эдик, аммо ҳозир менинг сўзларим муҳим эмас, чунки биз гол ура олмадик.
Пенальтилар сериясида рақиб яхшироқ ўйнади ва чорак финал йўлланмасини қўлга киритди.
Биз бу чемпионатда доим сюрпризларни кўряпмиз. Биз бу қисматдан қутула олмадик, Марокашдан мағлуб бўлишимизни кутмагандик. Лекин шундай бўлди ва биз уйга кетяпмиз”, - деди “Атлетик” посбони.
Унаи Симон марокашлик футболчиларнинг 4 зарбасидан 1 тасини бартараф этди. Марокашлик дарвозабон Ясин Боно Карлос Солер ва Сержи Бускетснинг зарбаларини қайтарган бўлса, Пабло Сарабия дарвоза тўсинига зарба берди.
