Ispaniya terma jamoasi darvozaboni Unai Simon JCH-2022da Marokash terma jamoasiga penaltilar seriyasida mag‘lub bo‘lgani haqida gapirdi.

"O‘ylashimcha, biz raqibdan 120 daqiqa oldinda edik, ammo hozir mening so‘zlarim muhim emas, chunki biz gol ura olmadik.

Penaltilar seriyasida raqib yaxshiroq o‘ynadi va chorak final yo‘llanmasini qo‘lga kiritdi.

Biz bu chempionatda doim syurprizlarni ko‘ryapmiz. Biz bu qismatdan qutula olmadik, Marokashdan mag‘lub bo‘lishimizni kutmagandik. Lekin shunday bo‘ldi va biz uyga ketyapmiz”, - dedi “Atletik” posboni.

Unai Simon marokashlik futbolchilarning 4 zarbasidan 1 tasini bartaraf etdi. Marokashlik darvozabon Yasin Bono Karlos Soler va Serji Busketsning zarbalarini qaytargan bo‘lsa, Pablo Sarabiya darvoza to‘siniga zarba berdi.