Португалия терма жамоаси ҳужумчиси Криштиану Роналду ЖЧ-2022да офсайдда қолиб кетиш бўйича етакчига айланди.
37 ёшли футболчи ЖЧ-2022 1/8 финал доирасида Швейцарияга қарши ўйинда (6:1) захирадан майдонга тушди, бироқ 74-дақиқада захирадан майдонга тушганидан сўнг яна офсайдга қолишга "муваффақ" бўлди. Айнан Роналду 1/8 финалнинг барча ўйинлари якунига кўра, офсайд қолиш бўйича (7 марта) "пешқадам" ҳисобланади. Иккинчи ўринда ЖЧни тарк этган Испания терма жамоаси ҳужумчиси Альваро Мората жойлашган - 5.
Криштиану Роналду жорий жаҳон чемпионатида битта гол урган. Чорак финалда Португалия Марокаш билан куч синашади.
