Жуд Беллингем учун курашда «Ливерпуль» етакчилик қилмоқда.

Bild журналисти Кристиан Фалкнинг ёзишича, Англия клуби 19 ёшли «Боруссия» ярим ҳимоячиси учун курашда фаворит ҳисобланади. «Ливерпуль» билан музокаралар «Реал»га қараганда анча юқори босқичда кетмоқда.

Қайд этилишича, Беллингемлар оиласи Жуд фаолиятини «Ливерпул»да давом эттиришини афзал кўришади.

Хабар берганимиздек, Мадриднинг «Реал» клуби ярим ҳимоячининг трансферини деярли имконсиз деб ҳисобламоқда. Мадрид клуби унинг учун 150 миллион евро тўлашга тайёр эмас.

19 ёшли марказий ярим ҳимоячи жорий мавсум «Боруссия» сафида барча турнирлар доирасида 22 та ўйинда майдонга тушиб, 9 та гол урди ва 3 та голли узатмани амалга оширди.

У 2022 йилги жаҳон чемпионатида Англия терма жамоаси сафида 4 та ўйинда 1 та гол урди ва 1 та голли узатмани амалга оширди.