Jud Bellingem uchun kurashda «Liverpul» yetakchilik qilmoqda.
Bild jurnalisti Kristian Falkning yozishicha, Angliya klubi 19 yoshli «Borussiya» yarim himoyachisi uchun kurashda favorit hisoblanadi. «Liverpul» bilan muzokaralar «Real»ga qaraganda ancha yuqori bosqichda ketmoqda.
Qayd etilishicha, Bellingemlar oilasi Jud faoliyatini «Liverpul»da davom ettirishini afzal ko‘rishadi.
Xabar berganimizdek, Madridning «Real» klubi yarim himoyachining transferini deyarli imkonsiz deb hisoblamoqda. Madrid klubi uning uchun 150 million yevro to‘lashga tayyor emas.
19 yoshli markaziy yarim himoyachi joriy mavsum «Borussiya» safida barcha turnirlar doirasida 22 ta o‘yinda maydonga tushib, 9 ta gol urdi va 3 ta golli uzatmani amalga oshirdi.
U 2022 yilgi jahon chempionatida Angliya terma jamoasi safida 4 ta o‘yinda 1 ta gol urdi va 1 ta golli uzatmani amalga oshirdi.
