"Атлетико" ва Португалия терма жамоаси вингери Жоау Феликс Англия Премьер-лигасига кўчиб ўтиши мумкин.
Marca нашри хабарига кўра, португалиялик ярим ҳимоячига "Астон Вилла" қизиқиш билдирмоқда.
Португалиялик агент Жорже Мендеш клуб билан эҳтимолий трансфер борасида музокараларни бошлаб юборган.
Аввалроқ, ОАВ Феликсни ўз таркибида "Манчестер Юнайтед", "Челси", "ПСЖ" ва "Бавария" ҳам кўришни хоҳлаётгани ҳақида ёзган эди.
Жорий мавсумда 23 ёшли Феликс ўз жамоаси сафида 12 та ўйин ўтказиб, учта гол урди ва иккита голли узатмани амалга оширди.