"Барселона" ва Бразилия терма жамоаси ярим ҳимоячиси Рафинья Диас дунёнинг энг яхши футболчиси унинг ватандоши, "ПСЖ"да тўп сураётган ҳужумчи Неймар эканлигини айтди.
"Неймар - дунёнинг энг яхши футболчиси. У ҳаракат қиладиган барча жамоалар уни майдонда бўлишини исташади. Неймарни футболдан ташқари нарсаларга кўпроқ қизиқтираётганини айтадиганлар футбол ҳақида ҳеч нарсани тушунишмайди", - дея Рафиньянинг сўзларидан иқтибос келтиради A Bola.
30 ёшли Неймар жорий мавсумда "ПСЖ" ва Бразилия терма жамоаси сафида барча турнирларда 22 та ўйинда майдонга тушиб, 16 та гол урди ва 13 та голли узатмани амалга оширди.
