Мадриднинг «Реал» клуби бош мураббийи Карло Анчелотти тарихдаги энг яхши аргентиналик футболчи номини айтди. Италиялик мураббий Лионель Месси ва Диего Марадона ўртасида танлов қилди.
«Мен Марадонага қарши ўйнаганман. Ҳурмат билан мен уни танлаган бўлардим», - дея Анчелоттининг сўзларидан иқтибос келтиради AS нашри.
Эслатиб ўтамиз, Марадона фаолияти давомида 1986 йилда жаҳон чемпионатида ғолиб чиқишга муваффақ бўлганди. Мессига келсак, Лионель ҳозиргача Аргентина билан финалга қадар етиб борган, 2014 йилда «кўк-оқлар» Германияга минимал ҳисобда ютқазган эди.
Эртага Месси жаҳон чемпионатининг ярим финалига чиқиш имкониятига эга бўлади. Бунинг учун Аргентина Нидерландия терма жамоасини турнирдан чиқариб юбориши керак бўлади.
