Луи ван Гал мураббийлик фаолиятини Нидерландия терма жамоасидан кейин ҳам давом эттиришини инкор этмади.
Аввалроқ «Аякс», «Бавария» ва «Манчестер Юнайтед» клубларининг собиқ устози ЖЧ-2022дан кейин фаолиятини якунлашини айтган эди.
«Ҳеч қачон тўхтадим дема. Бунга доир яхши мисол бор: Дик Адвокат. Сиз уни танимасангиз керак - у мендан ҳам катта бўлсада Ироқ терма жамоасини бошқарган. Умуман бошқа муҳитга мослашиб кетаверади.
Агар яхши таклиф тушса, балки фаолиятимни давом эттирарман. Мен 71 ёшдаман, лекин ҳали тўлиқ умидимни узмаганман», - деди Нидерландия терма жамоаси бош мураббийи.