"Манчестер Юнайтед"нинг собиқ сардори Рой Кин Бразилия терма жамоаси бош мураббийи Титени танқид қилди. Эслатиб ўтамиз, "Пентакампеон"лар устози Жанубий Корея билан жаҳон чемпионати финалининг ⅛ ўйинида голдан кейин футболчилар билан рақсга тушган эди.

"Рақиб мураббийи ундан 10 метр узоқда бўлганида Тите қандай рақсга тушишини тушунмаяпман. Футболда бир-бирингизга ҳурмат кўрсатишингиз керак. Сиз ечиниш хонасида ёки тунги клубда рақсга тушишингиз керак", - деб Киннинг сўзларидан иқтибос келтиради Sport Bible.