"Манчестер Юнайтед" қанот ҳимоячиси Диого Далот билан ҳамкорликни узайтиришдан манфаатдор. Бу ҳақда ижтимоий тармоқлар орқали инсайдер Фабрицио Романо хабар берди.
“Қизил иблислар” португалияликнинг жорий мавсумдаги ўйинидан қониқиш ҳосил қилишди ва унга янги шартнома таклиф қилишга тайёр. Томонлар ЖЧ-2022 якунланганидан кейин музокара столига ўтиришади.
Диого айни дамда Португалия терма жамоаси сафида Қатардаги жаҳон чемпионатида иштирок этмоқда. У иккита учрашувда қатнашиб, голли узатмани амалга оширди.
2022/2023-йилги мавсумда ҳимоячи “Манчестер Юнайтед” сафида 20 та ўйин ўтказиб, битта гол урди ва 5 та голли узатмани амалга оширди.
