Хорватия терма жамоаси дарвозабони Доминик Ливакович битта жаҳон чемпионатида пенальтилар сериясида энг кўп тўпни қайтариш бўйича рекорд ўрнатди.
ЖЧ-2022 1/4 финалида Бразилияга қарши ўйнагандан сўнг (1:1, 4:2 - пеналтилар бўйича) Ливакович турнирда умумий ҳисобда 11 метрлик зарбани 4 марта қайтарди.
Ундан олдинги иккита дарвозабон битта мундиалда пенальтилар сериясида шунча зарбани бартараф этишга муваффақ бўлишганди - Ливаковичнинг ҳамюрти Даниэл Субашич Россияда бўлиб ўтган ЖЧ-2018 ва аргентиналик Серхио Гойкоэчиа 1990 йилги жаҳон чемпионатида.
ЖЧ-2022 ярим финалида Хорватия терма жамоаси Нидерландия – Аргентина учрашуви ғолибига қарши майдонга тушади.
