Бразилиялик собиқ ҳужумчи Пеле ўзининг рекордини такрорлаган Неймарни табриклади. Эслатиб ўтамиз, кеча Хорватия билан ўйинда "пентакампеонелар" футболчиси ўз терма жамоаси таркибидаги 77-голини урди ва терма жамоа тарихидаги энг яхши тўпурарлар рўйхатида Пелега етиб олди.
"Мен сизнинг ўсишингизни кўрдим, мен сизни руҳлантирдим. Ниҳоят, Бразилия терма жамоаси сафида урилган голлар сони бўйича менга тенглашганингиз билан табриклайман. Менинг рекордим деярли 50 йил давом этди. Бу вақт ичида унга ҳеч ким яқинлашмади. Сиз буни қилдингиз, болакай. Бу сизнинг ютуғингиз қанчалик буюк эканлигини таъкидлайди", - деб пост қолдирди Пеле ижтимоий тармоқларда.
