Хорватиялик журналист Томислав Габелич терма жамоанинг ЖЧ-2022 1/4 финалида Бразилия устидан қозонган ғалабасига муносабат билдирди.
Чорак финал олдидан Габелич Деян Ловрен бошчилигидаги Хорватия терма жамоаси ҳимояси Бразилияни тўхтатиб қўйишини айтганди.
«Бутун Хорватия бутунлай шокда! Бу мумкин эмасдек! Биз ушбу турнирнинг энг яхши жамоасини мусобақадан чиқариб юбордик. Жамоа характерга эга эканлигини исботлади, дарвозабонимиз Ливакович эса шунчаки мўъжиза яратувчиси ва даҳо!
Жаҳон чемпионатидаги сўнгги ўн икки учрашувидан фақат финалда французларга ютқаздик. Бразилияликларни мағлуб этгач финалга чиқа оламизми? Албатта. Ўйлайманки, биз шундай фидойилик билан ушбу жаҳон чемпионатида ғалаба қозона оламиз. Аргентина, Месси, кутинг», — дея Габеличдан иқтибос келтирмоқда Спорт24.
