Англия терма жамоаси ҳужумчиси Харри Кейн тарихни қайта ёзишда давом этмоқда.
"Тоттенхэм" футболчиси Франция термасига қарши жаҳон чемпионати чорак финал учрашувида инглизларнинг асосий таркибида майдонга тушиши кутилганди ва якунда шундай бўлди ҳам.
The Athletic нашри хабарига кўра, Кейн йирик турнирларда ўйнаган "уч шерлар" таркибида энг кўп ўйин ўтказиш бўйича Эшли Коулнинг рекордини такрорлади (22). Уэйн Руни, Стивен Жеррард ва Рахим Стерлинг 21тадан иккинчи ўринда, Питер Шилтон ва Дэвид Бекхэм эса 20тадан учинчи ўринни эгаллаб туришибди.
Қатар жаҳон чемпионати доирасида Харри Кейн битта гол ва учта голли узатмани амалга оширди.
Англия – Франция қарама-қаршилиги ғолиби ярим финалда Марокаш билан тўқнаш келади.
