Германия терма жамоаси ва Мюнхеннинг "Бавария" клуби ярим ҳимоячиси Леон Горецка Германия Бундеслигасини Италия А Сериясига ўзгартириши мумкин. Бу ҳақда Calciomercato хабар бермоқда.
Манбага кўра, 27 ёшли футболчининг трансферига Туриннинг "Ювентус" клуби қизиқиш билдирмоқда. Потенциал трансфер нархи 65 миллион еврога баҳоланмоқда.
Горецканинг "Бавария" билан амалдаги шартномаси 2026 йилнинг ўрталарига қадар мўлжалланган.
Жорий мавсумда ярим ҳимоячи Германия чемпионатининг 11 та учрашувида қатнашиб, 3 та гол ва битта голли узатмага муаллифлик қилган.
